Tilfizyona dewleta Sûrî dibêje piroseya derketina serildêrên Sûrî ji herêma Wadî Bereda dest pêkir, wek parek ji rêkeftinekê li gel serhildêran ku çekên xwe deynin û derdora Dîmeşqa peytext radestî hikûmetê bikin.
Tilfizyona el-Ixbariye dibêje 4 basan 160 serhildêr û malbatên wan îro yekşemê ji Wadî Bereda derxistin û berve parêzgeha Idlibê birin ku dê li wir tevlî hezaran serhildêrên din bibin û ji Dîmeşqa paytext dûr kevin.
Ev derketin dawiya nêzîkî 6 hefteyên şer nîşan dide di navbera serhildêran û alîgirên hikûmetê de ku di encamê de bi awakî tund av ji ser nêzîkî 5 milyon kes li derdora Dîmeşq qut kir.
Parêgarê Dîmeşq û derdora wê ji el-Ixbariye re got endazyarên avakirinê kar li ser navenda avê dikin û dê av roja duşemê vegere Dîmeşê.