Lînkên eksesibilîtî

HRW Derheqa Giwaştinên Ser Opozîsyona Kurdî li Tirkîyê Raporteke Nû Diweşîne


Piştevanên HDPê zindankirina hevserokê wê partîyê, Selahattîn Demîrtaş protesto dikin

Çavdêrîya Mafên Mirovan (HRW) îro Duşemê raportek weşand û tê de bi firehî qala giwaştin û zextên ser opozîsyona Kurdî li Tirkîyê dike.

HRW dide zanîn ku hikûmeta Tirkîyê 13 parlamenterên Partîya Demokratîk ya Gelan (HDP) ya ser bi Kurdan xistine zindanê û dest danaye ser 82 bajarvanîyên ku bi dengên gel hatine hilbijartin.

“Giwaştin û eciqandina karbidestên ku bi rêkên demokratîkî hatine hilbijartin, ne tenê zêdegavê li ser mafên wan yên rêxistinbûna sîyasî, beşdarbûn û azadîya ramanê dike, herwiha rê li ber mafên kesên ku deng dane wan karbidestan jî binpê dike,” raport dibêje.

Çavdêrîya Mafên Mirovan dide zanîn ku kiryarên dijî HDP û xwîşka wê, Partîya Herêmên Demokratîk (DBP) di vê demê de tê ku referanduma guhertina qanûna bingehîn di 16’ê Nîsanê de pêk tê û eger were pejirandin, hîngê sîstema parlamenterî ya Tirkîyê dizivire sîstema seroktî ku hemî desthilatê di wî de dicivîne.

“Ji demokrasîya Tirkîyê re zarareke mezin e ku hikûmet rêber û parlamenterên partîya rikeber ku di hilbijartinja dawî de 5 mîlyon deng wergirtine, davêje zindanan,” Dîrektorê HRW yê Ewrupa û Asya Navîn, Hugh Williamson dibêje.

HRW bi bîr tîne ku hevserokên HDP’ê Selahattîn Demîrtaş û Fîgen Yuksekdag û 11 parlamenterên wê rûbirûyê cezayên girêdayî îdayên tawanên terorîzmê ne û parlamenterîya Yuksekdag jî meha çûyî, ji ber dozeke pêştir ji wê hatiye standin.

Hun dikarin tevahîya raporta HRW bi lînkên jêrîn bixwînin:

https://www.hrw.org/news/2017/03/20/turkey-crackdown-kurdish-opposition

https://www.hrw.org/tr/news/2017/03/20/301344

XS
SM
MD
LG