Yek ji berdevkên Hêzên Sûrîya Demokrat (HSD) ji Dengê Amerîka re ragihand ku tîmên wan yên lêgerînê, li deverên Tabqa yên nûrizgakirî, zindaneke girîng ya DAIŞ’ê dîtiye.
Jêderê HSD’ê da zanîn ku ew zindan ji 15 odeyên tekakesî (hucre) pêk dihat û kesên girîng li wê derê dihatin girtin.
“Çeteyên DAIŞ’ê berî ku şervanên me têkevin ew dever, zindan vala kirine û wek navendeke leşkerî kar anîne. Ji hucreyên girtîgehê û cîhê wê dîyar dibe ku tenê girtîyên taybet li wir hatine hepis kirin,” jêderê HSD’ê dîyar kir.