Lînkên eksesibilîtî

Tillerson Jibo Seredana Sê Welatan Diçe Japonya


Wezîrê derve yê Amerîka Rex Tillerson

Wezîrê derve yê Amerîka Rex Tillerson roja Çarşemê dest bi seredana xwe ya sê welatan dike û qûnaxa yekê ya seredana wî Japonya ye.

Armanca sereke yê vê seredanê danûstendinên bi hevpeymanên Amerîka re ye, yên derbarê metirsiya Atom û Sîstema Rokêtên Koreya Bakûr.

Tillerson sibê roja Pênçemê dê bi serok hikûmetê Japoniya Shinzo Abe û wezîrê derve Fumio Kishida re bicive.

Pilana Tillerson ewe ku roja Înê seredana Koreya başûr bike û li gel serokê dewletê yê bi wekalet Hwang Kyo-ahn û wezîrê derve Yun Byung-se bicive, di pilana Tillerson de nîne ku, li gel opzisyonê dîdarên pêk bîne.

Di seredana van herdu welatan de armanca sereke ya Tillerson, piştevaniya Japoniya û Koreya başûre ji gefên Koreya bakûr.

Qûnaxa dawiyê ya geşta Tillerson Çîn'e, ewê bi serokê welat Xi Jinping (Şî Jingpêng) re bi cive û behsa pilana serokê Çînê ya hatina wî bo Amerîka û encam dana civînên Lotke li gel Serok Donald J. Trump ku tê texmîkirin li meha Nîsanê li Florida bihê encam dan.

XS
SM
MD
LG