Serokomarê Tirkîyê Recep Tayyîp Erdogan îro Duşemê bang li hilbijêrên Tirk yên li Ewrupa kir ku hember “nevîyên Nazîyan” dengê xwe bilind bikin û di referandumê de piştgirîya wî bikin.
"Bi vê biryardarî û vînê, emê ticar rê nedin sê, çar faşîstên Ewrupî... ku zararê bidin xîret û rûmeta vî welatî," Erdogan li bajarê Rîze ya warê malbata xwe ji girseyeke mezin re got.
"Ez ji xuşk û birayên xwe ku li Ewrupa deng didin, bang dikim ku bersîveke rekûpêk bidin nevîyên Nazîyan û ji wan kesen ku zextên faşîstî ser gel dikin."
Erdogan di kempeyna xwe de gelek caran gotinên tund ji welatên Ewrupî yên wek Almanya û Hollanda re dike û jiber qedexekirina mîtîngên wezîrên wî, wan dewletana bi xebitandina taktîkên serdema sûcdar dike Nazîyan dike.
Hem Almanya hem jî Hollanda bi gotinên Erdogan yên wî renhî nerazîbûna xwe dîyar kir û Serokwezîra Alman got divê şibandina wan bi serdema Nazîyan re bisekinin.
Hêjayî balkişandinê ye ku li Ewrupa 1.4 mîlyon hemwelatîyên Tirkîyê hene ku mafê wan yê dengdanê heye û Erdogan çaverê ye ku piştgirîyeke mezin ji wan kesan wergire.