Di peqîneke de, herî kêm 6 kes li Mogadişu ya paytaxta Somalî hatine kuştin ku di nav wan de generalê Somalî, Abdi Beşîr Aden jî heye.
Karbidestên hikûmetê ji VOA re ragihand ku di peqînê de 10 kesên din jî birîndar bûn û êrîş li kelêka kafeyeke Îtalî qewimî ku di wê demê de gelek kes bo çay û qahwe li derve rûdinin.
Demûdest ti kes berpirsîya êrîşê ranekir ser xwe, lê pir caran rêxistina tundrê el-Şabab cîhên şenîbar yên Mogadişu, ku sîyasetvan û karsaz lê dicivin, dike armanc.