Rojnameya Brîtanî Daily Telegraph da zanîn ku komên cîhadî yên li welatên rojava, jiber zorbûna peydakirina çek û bombeyan, êdî êrîşan wek ya li Londonê bi kêr û wesayîtan pêk tînin.
Rojnameyê bi bîr xist ku li Nice ya Fransa û Berlîn ya li Almanya bi wesayîtan êrîş pêk hatine û êdî cureyeke din ya êrîşkirinê heye.
Li gor rojnameyê, him DAIŞ him jî el-Qaydê bang li alîgirên xwe kirine ku êrîşên bi vî rengî li dar xînin.
Di sala 2014’an de fermandarê DAIŞ’ê Ebu Mihemed el-Adnanî, bang li Misilimanên Fransa kiribû ku eciqandina bi wesayîtan jî di nav de bi her awayî êrîşî Fransîyan bikin.
Daily Telegraph, dîyar kir ku Europol û karbidestên ewlekarîya Brîtanî di raporên xwe de dibêjin ku êrîşên nû bêyî bombe û çek jî dikarin bêne li dar xistin.
Rojname bîragiştî hişyar dike ku ew cure êrîş bibe trend û bidome.
Di êrîşa do ya li nêzî parlemana Brîtanî de 5 kes hatin kuştin û nêzî 40'ên din jî birîndar bûn.
Daily Telegraph: Cîhadî Êdî bi Kêr û Wesayîtan Êrîşan Pêk Tînin
