Serokwezîrê Tirkîyê Recep Tayyîp Erdogan dibêje, welatê wî dê nehêle ku herêmeke Kurd li Sûrîyê were damezrandin.
Axaftinên Erdogan hatin dan, piştî hate ragihandin ku Partîya Yekîtîya Demokratîk (PYD) pênc bajarên Kurd li seranserî sînora navbera Sûrîyê û Tirkîyê kontrol kiriye.
Tirkîyê di xemê de ye ku damezrandina desthilateke Kurd li bakurê Sûrîyê dikare bibe bingeh jibo serhildayên Kurd yên ku jibo otonomîyê li başûr rojhilata Tirkîyê şer dikin.
Erdogan dibêje, hêzên çekdar yên Tirkîyê û desthilatdarên din ji nêzîk ve vê rewşê dişopînin.
Serokwezîrê Tirkîyê her wiha dibêje, Wezîrê Derve yê welêt dê ligel karbidestên hikûmeta Kurdistana Îraqê kom bibe da ku xem û fikarên Tirkîyê bigihîne wan.
Bi alîyekî din ve, hêzên opozîsyona Sûrî li Qeterê, jibo pêkanîna rêberîyeke yekbûyî kom dibin da ku rêverbirîyeke qonaxî da valahîyê dagire, eger serhildayan rejîma Beşar El Esed hilweşîne.
Kombûna ku îro Pêncşemê li Dohayê tê kirin, wekî yek ji girîngtirîn hewildanên lihevanîna grûbên cuda yên opozîsyonê ye ku hewil dide ku ji cîhanê re dîyar bike ku ew dikarin bibin alternatîva Esed.