Wezîrê Derve yê Fransayê banga veguherîneke sîyasî ya lez û bez li Sûrîyê dike û dibêje, divê hikûmeta nû rêzê li kêmanîyên olî û nîjadî bigire.
Wezîrê Derve yê Fransayê Lairent Fabius got, Serok Beşar Esed gelê xwe serjê dike û loma jî çûyîna wî çiqas zû be, ewqas baştir be.
Lairent Fabius her wiha got, welatê wî soza alîkarîyê dide penaberên Sûrî ku cîh û warên xwe hatine dûr xistin.
Wezîrê Derve yê Fransayê Lairent Fabius her wiha soza alîkarîyê da welatên wek Urdunê ku alîkarîya wan kesan dikin. Fabiusher ew daxuyanîyên xwe li îro Pêncşemê li Urdune, li kampa penaberan ya yekê kir ku nêzîkî 7.000 penaberên Sûrî tê de dimînin.
Fransayê roja Yekşemê nexweşxaneyeke leşkerî li Urdunê ava kirîbû ku Sûrîyên birîndar û nexweş derman bike. Tê ragihandin ku dora 150 hezar penaberên Sûrî li Urdunê dimînin.
Wezîrê Derve yê Fransayê Lairent Fabius, li ber e, piştî Urdunê here Lubnan û Tirkîyê jî da ku rewşa penaberên Sûrî di cîh de bibîne