STENBOL — Serokwezîrê Tirkîyê Recep Tayyîp Erdogan û Serokê Rûsya’yê Vladimir Putin îro Duşemê ligel şandeyên xwe li Stenbolê hevdîtineke girîng pêk anîn.
Di civînê de ku çavê medya Tirkî, Rûsî û dinyayê li ser e, ji xencî babetên enerjî û aborîyê, derbarê helwesta her du alîyan li ser nexşerêya çareserkirina pirsa Sûrîyê û pirsa cîhkirina muşekên Patriot li Tirkîyê gotûbêj hatin kirin.
Serokê Rûsî Putin, derheqa gotûbêjên rewşa Sûrîyê de got, “Em li ser pirsa Sûrîyê hem bi awayî însanî hem jî bi awayên din peyîvîn. Pozîsyonên me yên derheqa Sûrîyê de dişibin hev. Lê, derbarê metodên li ser paşreroja Sûrîyê de dîtinên me cuda ne.”