Yeşem, 07 Meha Duyem, 2016 Demê Xwecihî 13:22

    Sûrîye

    Mûalim: Cezayên Amerîkî û Ewropî Rewşa Gelê Sûrîyê Xirab Kir

    Welîd El MûalimWelîd El Mûalim
    x
    Welîd El Mûalim
    Welîd El Mûalim
    Wezîrê Derve yê Sûrîyê dibêje, cezayên Amerîka û Ewropayê li ser welatê wî bûne sedem ku rewşa gelê Sûrîyê xirab bibe.

    Welîd El Mûalim bang li Neteweyên Yekbûyî kir ku van cezayan red bike û kar bike jibo hilweşandina wan.

    El Mûalim roja Şemîyê ev daxwaza kir dema civînekê li Şam a paytext bi berpirsa mirovahîyê yê Neteweyên Yekbûyî Valerie Amos ku serdana Sûrîyê dike.

    Amerîka û Ewropa jimareke ceza li dijî Sûrîyê ferz kirine wekî bersiv bo tepeserkirina rejîma serok Beşar El Esed li dijî xwenîşanderên ku daxwaza reformên demokratîk dikirin.
    Protesto li Sûrîyê bi demê re bûn şerekî navxweyî ku heta nuha bêtirî 40 hezar kuştî li dû xwe hiştiye.

    Di nav cezayên heyî de cemidandina pereyên Esed û rêberên din yên hikûmeta Sûrîyê heye ligel embargoya li ser bazirganîya petrol û çekan.
    Ev forume hate girtin.
    Şîrove
         
    Ev forume nehatîye şîrove kirin. Bibe yekemîn kes ku vê forumê şîrove bikî.