Neteweyên Yekbûyî radigihîne ku nêzîkî yek milyon welatîyên Sûrî pêdivî bi xwarinê hene.
Ajansa Programa Xwarinê ya Cîhanê (WFP) ya ser bi Neteweyên Yekbûyî herwiha radigihîne ku ji ber tundûtûjîyan û kêmîya sotemenî, dabeşkirina xwarinê zehmet e.
Peyvdara WFP Elisabeth Byrs, dibêje ku ajansa wê di her mehekê de xwarinê pêşkeşî yek milyon û 500 hezar Sûrîyan dike, lê belê yek milyon kesên din pêdivî bi alîkarîyan hene.
Rejîma Sûrîyê bitenê rêkê dide hejmareke kêm a rêxistinên mirovatî ku li wî welatî kar bikin.