Parlamentera Kurdên Êzîdî Vîyan Dexîl ku li Stenbolê nexweşxaneyeke taybet tê derman kirin, dubare banga alîkarîyê jibo gelê Şengalê dike û dixwaze, welatên cîhanê Êzîdîyan bihewînin.
Birêz Dexîl, piştî ketîna helîkoptêra ku alîkarî dibir ji gelê Çîyayê Şengalê re birîndar bûbû û ev demeke li Stenbolê tê derman kirin.
Xanim Dexîl, kesên têne serdanê re dubare banga alîkarîyê dike û dixwaze hewildanên jibo xelkê Şengalê yên koçber bûne werin bilez kirin.
“DAIŞ’ê bi serê xwe nedikarî van êrîşan bike. Ji gund û cîranên dorûberê xîyanet li me hate kirin. Loma em nikarin êdî li Şengalê bimînin.”
Dexîl herwiha pêwîstîya peydakirina cihên bi ewle jibo civata Êzîdî tîne ziman û ji alîyên Kurd û civaka navnetewî dixwaze wan biparêzin, jibo ku careke din Êzîdî rastî fermanan neyên.