Ew demek e ku weneyên jinên Kurd yên Yekitîya Parastina Jinan (YPJ) di medya cîhanî de gelekî cîh digrin, le piranî ji alîyê leşkerî ve.
Di hevpeyvîneke ligel Dengê Amerîka de, Seroka Desteya Jinan ya Kantona Efrînê, Fatma Lekto li ser rola jinên Kurd di şoreşa Rojava yê Kurdistanê de diaxive.
Birêz Lekto dibeje, jin ne bi tenê şervan in. Ew di hemî qadên jîyanê de cih digirin; çi sîyasî be, çi jî civakî.
Lekto herwiha dide zanîn ku ji ber dorpêçkirina Kantona Efrînê, ew nikarin dengê xwe bigehînin jinên cîhanê.
"Tekoşîna me ji bo hemî jinên cîhanê ye. Di şoreşa Rojava de, jinên Kurd roleke giring dilîzin, lê ji ber êrîşên DAIŞê niha rewşa hemî Rojava di metirsî de ye.
