Helbestvan Îmad Mûsa dîwaneke helbestan bi zimanê Erebî belav dike. Dîwana bi navê "Wekî Esmanekî Dawî" ya duwemîn e ku ji aliyê helbestvanê Kurd ve tê afirandin.
Di dîwana xwe ya nû de, birêz Mûsa gelek mijaran tevlihev dike. Hêvî, bêhêvî, evîn, xewn, jiyan û surişt hemû bi hev re hêmanên sereke ne ku helbestvan wan wekî alavên girîng di nav dest xwe de bikar tîne.
Di hevpeyvînekê de ligel Dengê Amerîka, birêz Mûsa behsa prosesa avakirina helbestê dike û balê dikişîne ser gelek qorzîkên ku bi hev re helbesteke modern ava dikin.
Îmad Mûsa kurê bajarê Amûdê yê Rojavayê Kurdistanê ye. Ew dibêje, çiqasî mirov li cîhanê bigere, ewê dawiya dawî li hêlîna xwe vegere.
Bêtir agahî û şiroveyên li ser helbestên Îmad Mûsa di dirêjahiya vê hevpeyvînê de guhdarî bikin.