Piştî teqînên terorîst li bajarê Hesekê yê Rojavayê Kurdistanê, gelek Kurd dibêjin, dibe ku ji nuha bi şûn de rewşa deverê xirabtir bibe, bi taybet ku rêxistina Dewleta Îslamî (Daîş) hebûna xwe li nav Erebên deverê xurttir dike.
Di vê derbarê de, nivîskar Xalid Mihemed ji Dengê Amerîka re dibêje ku rewşa Rojavayê Kurdsitanê ji dema destpêka şoreşa Sûriyê xirab bûye, lê piştî teqînên Hesekê rewş ketiye qonaxeke metirsîdar.
Birêz Mihemed dide zanîn ku nakokiyên di nav partiyên siyasî yên Kurd jî bûne eger ku rewşa Kurdên Sûriyê bigihêje vê qonaxê.
