Piştî têkçûna rêxistina Dewleta Îslamî (Daîş) li Kobaniyê, êdî vê grûpê berê xwe bi hêrs daye parêzgeha Heseke û bi taybetî bajarokê Serêkaniyê û dixwaze wê deverê têxe jêr kontrola xwe.
Dr. Ciwan Mustefa, endamê encûmena giştî ya Partiya Yekîtiya Demokratîk (PYD) li Serêkaniyê ji Dengê Amerîka re dibêje ku hemû pêkhatiyên Serêkaniyê ji planên Daîşê re hişyar in û ew nahêlin ku li wir biserkevin.
Dr. Ciwan dibêje, rewşa Rojava ji aliyê civata navnetewî ve li paşguh maye û ew di rewşeke ewarte de derbas dibe û pêdiviya alîkariyê ji bo şerê li dijî Daîşê heye.
