Wezareta Derve ya hikûmeta Sûriyê biryareke fermî derxist da ku penaberên Sûrî li derve karibin paseportên xwe nû bikin, bêy lêvegera saziyên asayîşê û karûbarên penaberan li Şama paytext.
Di hevpeyvînekê de ligel Dengê Amerîka, dadwerê berê Riyad Alî dibêje, ev biryar rewayî ye û kes nikare gumanê tê de bike.
Birêz Riyad herwisa dibêje, hikûmeta Sûriyê bi zanebûn karê xwe dike û sûdeke mezin ji vê biryarê werdigire, him ji aliyê siyasî ve û him jî ji aliyê abûrî ve. Birêz Alî got, dê gelek pere bên dan jibo standina paseportan ji aliyê jimareke mezin ji penaberên Sûrî ve.