Salek bi ser komkujî û revandina keç û jinên Êzîdî li ser destê terorîstên DAIŞ ve derbas dibe. Di encama wê êrîşa ser bajarê Şengalê de, bi hezaran kes ji deverên xwe koçberî bajarên Herêma Kurdistanê bûn.
Her çende kar jibo rizgarkirina girtiyan û çareserîya saxlemî hatîye kirin, lê ne bi qebara mezinahîya bûyerê ye.
Bernama Tîrêj vê hefteyê mêvandariya birêz Rêzan Şêx Dilêr, endama parlamana Îraqê û xanim Buhar Ebdulreham, endama perlamana Herêma Kurdistanê dike.
Xanim Rêzan da zanîn ku ne hikûmeta Îraqî û ne hikûmeta Kurdistanê karekî berçav kiriye hember karesata mezin ya Şengalê.
Xanim Buhar jî dibêje, navendeke çareserkirina rizgar boya hatiye ava kirin û herwisa serdana sazîyên hikûmeta Îraqî hatîye kirin bo alîkarîkirina qurbanîyan.
