Berî civîna berfireh ya Civata Giştî ya Neteweyên Yekbûyî, herdu serokên Rûsya û Îranê Putin û Ruhanî careke din tekez kirin ku mana Serokê Sûrî Beşar Esed mercek e jibo çareseriya krîza Sûrî.
Ev axaftin di demekê de tên ku Amerîka û hevalbendên wê rijdiyê dikin ku nabe Esed bibe beşek ji desthilatekê di paşeroja Sûriyê de.
Di vê derbarê de, nivîskar Hoşeng Osê dibêje ku Rûsya û Îran berjewendiyên hevdu di Sûriyê de diparêzin û "tiştekî asayî ye ku li ser vê helwestê tund bin."
Di hevpeyvîna ligel Dengê Amerîka de, birêz Osê dibêje, çûna Esed dê her bibe, lê dibe ku wexteke dirêjtir pê here.
