Rory Peck Award xelateke navnetewî ye ku piştgiriyê dide wan rojnamevan û wênegirên serbixwe li sernaserî cîhanê ku jiyana xwe dixin jêr metirsiyê da ku derbarê nakokiyan raport bikin.
Di bernameya vê hefteyê de, em ligel rojnamevan û wênegirê serbixwe Zimnako Îslamî diaxivin. Ew li bajarê Silêmanî yê Başûrê Kurdistanê ji dayik bûye. Ev bûye bêtirî 10 salan wekî rojnamevan û wênegir xebatê dike.
Di vê bernameyê de, Zimnako behsa ezmûna xwe dike, bi taybet ew raporta ku jibo xelata Rory Peck hate bijartin. Raporta wî ya bi navê "On the Road with Yazidis Fleeing Islamic State" derbarê wan Êzîdiyan e ku jiber şerê DAIŞ reviyan û rastî rewşeke xirab hatin.
Hûn dikarin li ser vî faylê deng bêtir agahiyan li ser Zimnako û xelata wî bizanin.
