Îro Pêncşemê çend demjibêr berê endamên DAIŞ çend êrîşên çekdarî û xwekujî li hember bajarê Kobanê û gundekî wê kirin.
Sîyasetvanê navdar Gêlo Îsa ji Dengê Amerîka re ragihand ku çend trombelên DAIŞ ji hêla Tirkîyê ketin nav Kobanê û dest bi gulebarandina hemwelatîyan kirin û jimareke kes kuştin û bîrîndar kirin."
Îsa herwiha da zanîn ku jimareke endamên DAIŞ ji demeke kin berê, wek şervan tev lî komên Burkan al-Firat bûne ku di êrîşan de cîg bigirin.
"Endamên DAIŞ kincên YPG li xwe kiribûn û alên grubên Burkan al-Firat di makîneyên xwe de rakiribûn ku gel bixapînin."
Îsa dîyar kir ku berî êrîşa li navenda bajêr, komeke din ya DAIŞ avêtin ser gundê Berxbotan ya li başûr û 23 gundî kuştin.
Îsa got, rêvebirîya kantonê biryar derxist ku hemwelatî li malên xwe bimînin û nerin derve.