Di demekê de ku pirsgirêka sîyasî li navbera Herêma Kurdistan û hikûmeta Serokwezîrê Îraqê Nûrî El Malikî berdewam e, wezîrê Pêşmerge yê hikûmeta Herêma Kurdistana Îraqê dibêje ku nayê qebulkirin hêzên dagîrker Kurdistanê dagîr bikin.
Şêx Cefer Mustefa dibêje, “çi hêzek nîne ku bikaribe senger û çeperên hêza pêşmerge çol bike.”
Wezîrê Pêşmerge herwiha got, “em wek Kurd, Pêşmerge û rêberatîya sîyasî ya Kurdistanê şerê naxwazin û me bawerî bi hevpeyvîn û danûstandinan heye, lê belê em amade ne ku xwe biparêzîn.”
Jiber kêşeyên navbera Hewlêr û Bexdayê piştî avakirina hêza operasyonên Dîcleyê ji layê Bexdayê ve, hem Herêma Kurdistanê û hem hikûmeta Îraqê hêz şandine deverên kêşe li ser li parêzgehên Kerkuk û Dîyale.
Raport