Tirkîye

Dr. Ustundag: Êdî Fantezîya Biratîya Gelan Dawî Bûye

Nazan Ustundag.

Mezinahîya nivîsê - +

Salih Turan

10.12.2012

STENBOL — Doç. Dr. Nazan Ustundag, di panela ku do Yekşemê li “Weqfa Îsmaîl Beşîkçî” pêk hat de, dîyar dike ku fantezîya biratîya gelan bi dawî bûye û lazim e her kes bi konsepteke nû li ba têkoşîna Kurdan cî bigirin.

Kovara ‘Toplum ve Kuram’ (Civak û Bîrdozî), ku salê bi du hejmaran dosye û nivîsên lêkolînî li ser pirsa Kurd amade dike, bi beşdarîya Mamosteya Beşa Sosyolojîyê ya Zanîngeha Bogazîçî’yê, Doçent Dr. Nazan Ustundag panelek saz kir.

Nazan Ustundag di panelê de li ser babeta piştî dawîbûna greva birçibûnê ya girtîyên Kurd, hêvî û bendewarîya sîyasî jibo çareserîya pirsa Kurd li Tirkîyê peyîvî.

Dr. Ustundag got, Partîya Dad û Pêşvebirinê (AKP), tevî ku hin mafên Kurdan dide jî, wan mafan paşve distîne û xweparastina bi zimanê dayikê jî mînaka wê ya herê dawî ye.

Xanim Ustundag dîyar kir ku fantezîya bi navê biratîya gelan êdî bi dawî bûye û divê li şûna wê konsepteke nû derkeve holê ku girîngî dide têkoşîna bi hevkarîya Kurdan.