Tirkîye

Rojbûn û Yeksalîya Weqfa Beşîkçî Hate Pîroz Kirin

Mezinahîya nivîsê - +

Salih Turan

08.01.2013

STENBOL — Yeksalîya Weqfa Îsmaîl Beşîkçî (IBV), ku sala par di rojbûna Sosyolog Dr. Îsmaîl Beşîkçî de, anku 7’ê meha yekê sala 2012’an li Stenbol’ê hatibû ragihandin, bi şevekê hate pîroz kirin.

Ahenga damezirandina weqfê û rojbûna mamoste Beşîkçî ya 74 salîyê, do evarê li hola avahîya weqfê, bi beşdarîya gelek nivîskar, rewşenbîr û kesîtîyên civakê pêk hat.

Serokê Weqfa Beşîkçî Îbrahîm Gurbuz, di şevê de dide zanîn, xwendekar û akademîsyen ji her alîyê dinyayê tên ji pirtûkxaneya Beşîkçî sûde distînin. Ew, dibêje, dixwazin di rojên pêş de enstîtuya Îsmaîl Beşîkçî ya Zanyarîyên Sîyasî û Civakî ya li ser Kurdolojî û Kurdistanê xebatan bike jî ava bikin.

Rêvebirê Weqfa Beşîkçî û xwedîyê Weşanên Perî Ahmet Onal bibîr dixe, Kurd deyndarê Mamoste Beşîkçî ne ku di ber wan de gelek xebatên zanyarî kirine.