Di dengdana seroktîya parlemana Tirkîyê de berbijarê Partîya Dad û Pêşvebirinê (AKP) parlamanterê Sêwasê Îsmet Yilmaz dengên herî pir wergirt û bû serokê parlemanê.
Di dengdanê de namzedê Partîya Gel ya Komarî (CHP) parlamentarê Antalya Denîz Baykal 182 deng wergirtin.
Di gera sisêyan ya dengdanê de pêdivîbû berbijarek 276 dengan anku 1 deng zêdeyî nîvê 550 kursîyên giştî wergirta, lê ti berbijar nekarîbû vê hejmarê bi dest xista.
Tevî ku AKP xwedî 258 dengan e, hilbijartina nûnerê wê wek serokê nû ya parlemanê wek têkçûna partîyên opozîyonê tê nirxandin.