Îsraîlê îro Çarşemê 6,861 bûyerên pêketina korona ragihandin ku ew jî rekora nû ya tûşbûna rojane ye ku li wî welatî tê dîtin.
Pisporên saxlemîyê bal dikşînin ku nîfûsa Îsraîlê 9 mîlyon e û rêjeya pêketinan li gor wê nîfûsê gelek bilind e û ti nîşane tuneye ku belavbûna vîrusê hêdîtir dibe.
Bi bilindbûna rêjeya pêketinan, hikûmeta Îsraîlî hizira danîna tedbîrên nû yên pêşîgir dike.
Hikûmetê hefteya borî qedexeya derketina kolanan ragihandibû û xwendingeh, navendên kirîne, otel û xwaringehên li seranser welêt hatibûn girtin.
Hikûmeta Îsraîlê îro kombûneke taybet ya ser vê mijarê li dar dixe û hember belavbûna korona biryarên nû yên pêşîgir ragihîne.
Jêderên agahdar didine zanîn ku di rojeva hikûmetê de daxitsina sînagog û cîhên olî û herwiha qedexekirina xwepêşandanan jî hene.