Lînkên eksesibilîtî

Nêçîrvan Barzanî: Merema Teroristan Birîndarkirina Azadîya Kurdistanê Bû


Serokwezîrê Herêma Kurdistanê Nêçîrvan Barzanî
Serokwezîrê Herêma Kurdistana Îraqê dibêje ku hikûmeta herêmê wê berdewam be li bizavên xwe jibo “binbirkirina hêzên reş û hêzên teroristan li seranserê herêmê.”

Di peyamekê de piştî teqînên Hewlêrê, Nêçîrvan Barzanî got ku “merema teroristan birîndarkirina azadî û serbestîya Kurdistanê bû.”

Birêz Barzanî got ku gelê Kurdistanê qûrbanîyên mezin dan jibo azadî û serbestîyê, lewma hikûmeta herêmê û rêberatîya tevaya partîyên sîyasî û xelkê Kurdistanê bi hêsanî dest ji azadî û serbestî bernadin.

Serokwezîr Barzanî herwiha daxwaz ji xelkê Kurdistanê kir ku hevkarîya hêzên polîs, pêşmerge û asayişê bikin.

Bi sedema êrîşên xwekujî û çekdarî li dijî avahîya asayişa herêma Kurdistanê roja Yekşemê, heft endamên asayişê û tevaya êrîşberan hatin kuştin.
XS
SM
MD
LG