Lînkên eksesibilîtî

Endamên Komîsyona Aqilmendan li Stenbolê bi kombûneke rojnamevanî nerazîbûna xwe ji pakêta ku Serokwezîrê Tirkîyê Recep Tayyîp Erdogan roja Duşemê ragihand re nîşan dan.
Endamên heyeta aqilmendan Zubeyde Teker û Celalettîn Can, naveroka raporên heft herêmên Tirkîyê yên aqilmendan eşkere kirin û naveroka pakêta demokratîkbûnê nirxandin.
Aqilmendan rexne li serokwezîr û hikûmeta AKP’ê kirin ku pir kêm ji daxwaz û pêşnîyarên raporên wan xistine nav vê pakêtê.
Endamê heyeta aqilmendan Celalettîn Can got, “Di encamê de em têgihîştin, ev pakêt ne pakêteke ku demokrasîyê bîne Tirkîyê û pêvajoya çareserîyê pêşve bibe ye. Ya diduyan wekî mirovên aqilmend ti agahdarîya me ji vê pakêtê tune bû. Em tenê wekî vêkolerê hikûmetê anku xebata wan ya (PR - Public Relations) hatin bikar anîn.”
Xanima Zubeyde Eker jî piştî ragihandina naveroka hemû raporên ku ji serokwezîr re hatine pêşkeş kirin bang li hikûmetê kir berpirsîyarîyên xwe bi cî bîne û wiha axifî:
“Bi awayekî zelal em dixwazin bêjin ku ev pakêt bersiva pêvajoyê nade. Em bang dikin ku daxwazîyên gel bixin rojeva xwe. Ger daxwazên wan nexin rojeva xwe, wê pirs çareser nebin û encamên xeter jibo sîyasetê derkevin holê.”

XS
SM
MD
LG