Lînkên eksesibilîtî

Wezîrê Derve yê Amerîka John Kerry jibo cara duwem di nav du rojan de roja Şemîyê ligel Serokê Filestînî Mehmûd Ebbas kom bû, bi hêvîya ku rêberên Filestînî û Îsraîlî nêzîk bigihêjin peymaneke aştîyê.

Herdu rêber li bajarê Ramellah yê Kenara Rojava civîyan. Berî civîna wan ya roja Înîyê jî, bi sedan xwenîşander daketin kolanan û gotûbêjên aştîyê şermezar kirin.

Birêz Kerry herwiha ligel Serokwezîrê Îsraîlê Benyamîn Netanyahu û Wezîrê Derve Avigdor Lieberman li dema vê serdana xwe bo herêmê kom bû. Kerry gote rêberan ku hebûna çarçeweyekê dê cudahîyên navbera Filestînî û Îsraîlîyan kêm bike û dê herwiha bibe bingeh jibo peymaneke herdem.

Biryar e Kerry vegere Orşelîmê da ku bêtir gotûbêjan ligel serokwezîrê Îsraîlî pêk bîne.
XS
SM
MD
LG