Almanyayê ketiye bin fişareke mezin ji ber hatina penaberan bi jimarên mezin û bê plan ku hîna jî bi hezaran ji wan navên xwe li ba hikûmetê tomar nekirine.
Çalakvanê mafên mirov û alîkariya penaberan Alan Hesaf ji Dengê Amerîka re got, "plana hikûmeta Alman ji pêşwazîkirina van jimarên mezin ji penaberan tune bû, ji ber wê jî gelek astengî derdikevin holê."
Birêz Alan herwisa dibêje, rêxistinên sivîl û serbixwe alîkariya hikûmetê dikin da ku jimara penaberan nas bikin û wan bicî bikin. Ew dide zanîn ku rêxistina Adopt a Revolution yek ji wan rêxistinan e ku Alan endamê wê û rewşa penaberan dişopîne û navên wan li ba hikûmetê tomar dike.
