Îraq Xaleke Sînorî li gel Sûriyê ji Daişê Rizgar Dike

Leşkerên Îraqî dibêjin wan xaleke sînorî li gel Sûriyê ku di bin destê gurûpa terorîst Daiş de bû rizgar kir.

Komandariya Îraqî ya hevbeş a operasyonan, îro şemiyê di daxuyaniyekê de got, hêzên êlî û polîsê sînorî bi piştgiriya balafirên Îraqî û koalisyona navnetewî, beşdar bûn di operasyona kontrolkirina xala sînorî el-Welîd de.

Xala el-Welîd a li rojavayê Îraqê, di sala 2015an de ketibû bin destê çekdarên Daiş di çerçoeya hewildanên gurûpê yên kontrolkirin û nehêştina tevahiya sînorê Îraq û Sûriyê, ji bo avakirina Xîlafeta xwe.

Di van mehên dawî de çekdarên Daiş li beyabanên rojavayê Îraqê ketine bin fişareke mezin ji aliyê hêzên hikûmetê ve.