Lînkên eksesibilîtî

Breaking News

Partîya rikeberîyê di hilbijartinên parlamanê yên Zimbabwe de piçek bi pêş ket


Li dû encamên fermî yên hilbijartina parlamanê yên roja yekşembîyê partîya serekî ya rikeberîyê li Zimbabwe li hember partîya desthilatdar ya ZANU-PF tozek bi pêş ket.

Encamên dawî nîşan didin ku bizava rikeberîyê ya bi navê Movement for Democratic Change MDC, 67 kursî wergirtine ku ji wan 62 yên partîya serekî ne û pêncên din jî yên pişka ku jê qetîyayî ne. ZANU-PF li dû wê 64 kursî wergirtine.

Komîsyona hilbijartinê ya Zimbabwe hêjta encamên hilbijartinê yên serokatîyê ku li heman roj hatibûn danan belav nekirîye ku ev jî dibe sebebê gumana fêl û fendan di jimartina dengan de.

MDC dibêje di vê pêşbirkeyê de rêberê wê û berbijarê wê yê serokatîyê Morgan Tsvangirai gelek bi pêşî serok Robert Mugabe ketîye.

Tora Bizava Piştgirîya Hilbijartinên Zimbabwe ku hevalbendîyeke komeleyên sivîl yên civakî ye û çavdêrîya dengdanê dike dibêje li gorî encamên bizava wan rêzdar Tsvangirai bi serkeftîye lê belê piranîya dengan ya bi pilleya ku jibo wekhevîya dengan bişkêne wernegirtîye.

XS
SM
MD
LG