Serok wazîrê Gînya ew raport red kirin ko dibêjin wergêraneka leşkerî bo çend demjimêra piştî karbidestekê mezin yê leşkerî helweşyana destorî u hemî destgehêt hikmetê ragehandî.
Serok wazîr Ehmed Tidiane Souare gote radîyoya Ferensî, Radio France International, roja Sêşembî ko hikumeta wî nehatîye helweşyan, herçende raporta behsê wergêraneka leşkerî kirbo piştî mirna serok Lansana Conte.
Evro, kapîtanê leşkerî Moussa Camara li ragehandina dewletê got destorê Gînya hatîye helweşandin. Wî got civateka şîretvanîyê dê hikumetê birêve bet.
Camara got leşkerî desthelat bidestxuve girtîye bo rawestandina weko ew dibijtê belavbona kiryarêt parexarnê u nerêkîyêt rêvebirnê, berelayê u karasata aborî.
Wergêrana leşkerî ko behsê wê heye, dibijin hatekirin piştî li destgeha ragehandina dewletê mirna serok Contê ragehandî. Serokê hêzêt leşkerê Gînya ko serokê civata niştimanî Aboubacar Sompare li tenişt rawestîya bo ji dadgeha bilind xast ko li dîv destorê welatî wî weko serokê welatî dîyar biket.