Teypeka vîdyoyê evro yekşembî li malpereka giropeka çekdarî belav buye û têda kuştina kesekî nişan didet ku dibêjit efserekê Iraqîye. Kesekê çavgirêdayî, ku xwe bi kolonêl Ryad Kati’ Ulewî da nyasîn, ji layê çekdarekê serûçav veşartî teqe lê hate kirn û hate kuştin, wî çekdarî got jiber ku wî hefkarî digel hêzêt Emirîkî kirye. Li wê teypê dirûşmê giropa tîroristîya El-Qayda li Iraqê dihate dîtin, ku rêkxistîya rêberê çekdarîyê xastî Ebu Musab El-Zerqawîye.