Rojnamevanê Tirk yê navdar Ahmet Şik ku roja Çarşemê jiber twîteke wî hatibû binçav kirin, îro Înê li Stenbolê hate girtin.
Dozgerî bi îdiaya ''belavkirina propagandaya rêxistina terorîsît'' û “biçûkxistina dewletê” biryara girtina Şik da.
Şik wek dengekî xurt yê hevrik tê nasîn û binçavkirina wî ji alîyê rêxistinên azadîya ragihandinê ve bi tundî hatibû rexne kirin.
Ew di sala 2011-2012'an de jî jiber pirtûk xwe ya bi navê ''Artêşa Îmam'' ku li ser Fetullah Gulen nivîsibû hatibû û ew pirtûk ji alîyê hikûmetê ve hatibû qedexe kirin. Ew jiber wê pirtûkê hatibû girtin û nêzî salekê li zindanê mabû.
Piîşî hewila derbeya leşkerî ku hikûmeta Tirkîyê, Gulen wek plandanêrê wê dibîne, rewşa awarte hate ragihandin û bi dehan dezgehên medya hatin girtin, gelek rojnamevan jî hatine girtin.
Jiber ku hikûmeta Tirk li ser jimara nivîskaran û rojnamevayên girtî tiştekî fermî nabêje, tenê sazîyên navneteweyî yên rojnamevanan hejmara girtîyên radigihînin.
Çavdêrîya Mafên Mirovan (HRW), di raporta dawî de dîyar kiribû ku li Tirkîyê 148 rojnamevan girtî ne û ji hewila darbeyê vir ve li Tirkîyê 169 sazîyên çapemenîyê hatine girtin.