Lînkên eksesibilîtî

Breaking News

Amerîka Givaştinên Ser Îranê Xurt Dike, Toleyên Nû Radigihîne


Wezareta Xezîne ya Amerîka îro Pêncşemê ragihand ku hember du kompanîyên li Hong Kongê û yek Shanghai û yeke din jî li Dubayî toleyên nû hatine danîn.

Wezaretê da zanîn ku toleyên nû bi sedema ku wan kompanîyan tevî hebûna toleyên dijî Îranê, alîkarîya sazîya neftê ya wê dewletê kiriye ku bi nirxê mîlyon dolaran berhemên curbicur bikire.

“Kompanîya Triliance Petrochemical Co. Ltd û Sage Energy HK Limited ya li Hong Kongê, Peakview Industry Co Ltd ya li Çînê û Beneathco DMCC ya li Mîrgehên Yekbûyî yên Erebî ketine nav lîsta cezayê jiber ku wan toleyên Amerîkî yên ser Îranê binpê kirine.”

Bi biryara nû ya Wezareta Xezîne ya Amerîka hemî mal û mulkên wan şîrketan li Amerîka tên cemidandin û qedexe ji kes û kompanîyên amerîkî tê qedexe kirin ku bazirganî bi wan re bikin.

Serokê Amerîka Donald Trump ragihandibû ku rêvebirîya wî dê wek bersîvdana êrîşên Îranê toleyên nû yên dijî Îranê ragihîne, heta ku Îran reftarên xwe biguherîne.

XS
SM
MD
LG