Wezîrê Derve yê Amerîka Mike Pompeo dîyar kir ku wan alîkarîya diravî ya bo saxlemîya cîhanê kêm nekiriye.
Pompeo ji BBC’ê re da zanîn ku ew ji welatên herî feqîr yên cîhanê re alîkarîyê dişînin û dê encamên wan baş bin.
Serokê Amerîka Donald Trump di rojên borî de alîkarîya diravî ya Rêxistina Saxlemî ya Cîhanê (WHO) rawestandibû.
Mike Pompeo got ku ji welatên Afrîqa re bo têkoşîna dijî vîrusa kroona herî zêde Amerîka alîkarîyê dide.
Wî bang li welatên Afrîqa kir ku ji Çînê paşxistina deynan bixwazin.
Wezîrê Derve yê Amerîka, herwiha dîyar kir ku wan di salên borî de ji Çînê 10 qat zêdetir alîkarîya WHO kiriye.
Trump, WHO bi piştgirîya Çînê jî tawanbar kiribû, lê WHO ew îdia red kiribûn.