Rêberê Piranîya li Civata Senatoran Chuck Schumer dîyar kir ku civat dê îro Çarşemê ser endamtîyên Swêd û Fînlandîya yên bo NATO dengdanê çêke.
Schumer da zanîn ku rûniştina bo dengdanê dê bi saeta herêmî di 13:30 de destpê bike.
Swêd û Fînlandîya piştî şerê Rûsya û Ukrayna serî li NATO dabûn ku bibin endamên tifaqê.
Ji 30 welatên NATO, bi tenê Tirkîye dijî endamtîyên Swêd û Fînlandîya sekinibû, lê piştre Enqere, Helsinki û Stockholm ser şertên xwe li hev kiribûn.
Bo dewletek bibe endama NATO divê 30 endamên tifaqê bi yekdengî wê bipejirînin ku bo Swêd û Fînlandîya qonaxa dengdanên li parlamanan didome.