Lînkên eksesibilîtî

Breaking News

Mesud Barzanî Serêdana Xwe ya Tirkîyê Dawî Anî


Serokê Herêma Kurdistana Îraqê Mesud Barzanî bi parlamantera Kurd Leyla Zana re ye. Stenbol, Mijdar 5, 2011
Serokê Herêma Kurdistana Îraqê Mesud Barzanî bi parlamantera Kurd Leyla Zana re ye. Stenbol, Mijdar 5, 2011

Serokê Herêma Kurdistana Îraqê Mesud Barzanî serêdana xwe ya Tirkîyê dawî anî.

Di roja dawîya serêdana xwe de, birêz Barzanî roja Şemîyê li Stenbolê bi Serokwezîrê Tirkîyê Recep Tayyip Erdogan re kom bû.

Mesud Barzanî di dawîya hevdîtinê de daxuyanîyek da rojnamevanan. Wî got, divê şer û pevçûn bisekinin û êdî xûna xortên Kurd û Tirk nerijin. Em di vê bawerîyê de ne ku eger têkoşîneke hebe, divê ew têkoşîn li nav parlemanê be. Divê pirsa Kurdî bi rêbazên aştîyane were çareser kirin.

Birêz Barzanî' her wi got, sîyaseta Serokwezîrê Tirkîyê Erdogan wê xîzmeteke baş bo ewlehîya herême bike.

Serokê Herêma Kurdistana Îraqê Mesud Barzanî roja Înîyê jî bi Serokomarê Tirkîyê Abdullah Gul, û hevsorokên Partîya Aştî û Demokrasîyê (BDP) Selahattîn Demîrtaş û Gultan Kişanak û hevserokên Kongreya Civaka Demokratîk (KCD) Ahmet Turk û Aysel Tugluk û parlamentara navdar ya Kurd Leya Zana re hevdîtina pêk anîbûn.

XS
SM
MD
LG