Lînkên eksesibilîtî

Breaking News

Berdevkê HDP'ê Bîlgen û Parlementera Edenê Beştaş Hatin Girtin


Desteserkirin, girtina parlementerên Partîya Demokratîk ya Gelan (HDP) didome. Parlementerên HDP'ê Ayhan Bîlgen û Meral Daniş Beştaş ku do Duşemê hatin desteser kirin, hatin girtin.

Berdevkê HDP'ê û parlementerê wê yê Qersê Ayhan Bîlgen û parlementerê Edenê Meral Danış Beştaş hefteya çûyî hatibûn desteser kirin û piştî îfadeyê bi şertê kontrola dadî hatibûn berdan.

Serdozgerîya Komarî ya Amedê îtîraz li birayara Dadgeha Amedê kir û her du parlementer do li Amed'ê careke din hatin desteser kirin. Dadgehê biryara girtina Beştaş û Bilgen da, bi sedema ku ew endamên rêxistina terorî ne.

Hevserokên HDP'ê Selahattin Demirtaş û Fîgen Yuksekdag jî di nav de 11 parlementerên HDP'ê girtî ne.

Hêjayî bîrxistinê ye piştî rakirina destlênedana parlementeran, di 4'ê Mijdara 2016'an de 12 parlementer HDP'ê hatibûn girtin. Parlementera HDP'ê ya Şirnex'ê Leyla Birlik û yê Amed'ê Îdrîs Baluken hatin berdan. Li ser parlementerê HDP'ê yê Şirnex'ê Faysal Sarıyıldız û ya Wanê Tuba Hezer jî biryara girtinê hatîye dayîn.

XS
SM
MD
LG