Lînkên eksesibilîtî

Breaking News

Buldan: Me di 7'ê Hezîranê de Qezenc Kir, Dora 24'ê Hezîranê Ye


Hevseroka Partîya Demokratîk ya Gelan (HDP) Pervîn Buldan, li Îzmirê di mîtîngê de dîyar kir ku ew di 7’ê Hezîranê de bi ser ketine û îcar jî dora 24’ê Hezîranê ye.

Buldan da zanîn ku êdî serdema Partîya Dad û Pêşveçûnê (AKP) bi dawî bûye û ewê di 25’ê Hezîranê de Tirkîyeyeke bê Recep Tayyîp Erdogan çêbe.

‘’Gelên Tirkîyê dê bi ser kevin. Ew gemî dê ber bi bendera Îzmirê were û dê jê Demîrtaş, Fîgen Yuksekdag, Îdrîs Baluken derkeve.’’ Buldanê got.

Buldanê dîyar kir ku dê ji wê gemîyê hemî jin derkevin û da zanîn ne tenê bo hevrêyên xwe, wan soz daye Girtîgeha Îmraliyê jî.

Buldanê bi berdewamî got ku jiber ku Tirkîyê, berbijarê serokomarîyê yê HDP’ê Selahattîn Demîrtaş girtiye û ‘’guh nade demokrasî û hiqûqê’’, Almanya destûrê nade AKP’ê ku li welatê wan mîtîng li dar kevin.

Nêrîna Te

Şîroveyan nîşan bide

XS
SM
MD
LG