Artêşa Pakistanî îro Pêncşemê ragihand ku wê hemwelatîya Amerîkî Caitlan Coleman û mêrê wê yê Kanadî Joshua Boyle, ligel sê zarokên wan li herêma dûrdest ya eşirî li nêzî sînorê Afghanistanê rizgar kirin.
Coleman û Boyle di sala 2012’an de li Afganistanê hinda bûbûn û dû re Talîbana Afganî revandina wan girtibû ser xwe. Wê komê du vîdyo belav kiribûn ku tê de daxwaza pêguherîna endamên wê yên girtî dixwestin.
Daxuyanîyeke artêşa Pakistanî ragihand ku wan piştî pêzanîn pêbawer ji Amerîka, operasyona rizgarkirina wan kesên girtî li herêma Kurram pêk anî.