Agirê mezin ê wîlayeta Kalîfornya ku bi sed hezaran hiktar erd dane ber xwe, ew niha mezintirîn agir e li wîlayetê ji sala 1932an ve.
Agirê bi navê Tomas, ji roja 4ê vê mehê ve berdewam e li başûrê Kalîfornya û ta niha 110,641 hiktar erd şewitandin e.
Berpirsên agirkuştinê dibêjin bêhtirî 2,800 kesên agirkuj bi berdewamî şerê vî agirî dikin. Agirkujekî jiyana xwe ji dest da û her wiha kesekî sivîl jî.
Berpirs dibêjin 65 ji sedî ji agir hatiye vehewandin.
Agirê Tomas ta niha 1063 bingeh û mal şewitandin e û ziyana 177 milyon dolar li dû xwe hîştiye.
Berî Tomas, di sala 2003an de agirê Sîdir li Kalîfornya 110,576 hiktar şewitandin.