Lînkên eksesibilîtî

Breaking News

Çîn Li Tengava Taywanê Sê Rojan Rahênanên Leşkerî Dike


Serbazekî Taywanî li rojhilatê Taywanê çavdêriya firokhilgireke Çînî dike
Serbazekî Taywanî li rojhilatê Taywanê çavdêriya firokhilgireke Çînî dike

Çînê roja Şemiyê li derdora Taywanê dest bi rahênanên leşkerî kir, û ew wek "hişyariyek tund" ji hikûmeta girava xwerêveber re bi nav kir piştî civînek di navbera serokê wê û serokê Encûmena Nûneran a Amerîkî de.

Bi navê "Şûrê Tûj a Yekbûyî", operasyona sê rojan - ya ku medyaya dewletê got ku provaya dorpêçkirina Taywanê vedihewîne - dê heta Duşemê bidome, Fermandariya Şanoya Rojhilatî ya Artêşa Rizgariya Gel (PLA) di daxuyaniyekê de got.

Seroka Taywanî Tsai Ing-wen tavilê rahênan şermezar kirin, û soz da ku li hember "berfirehbûna domdar a otorîter" bi "Amerîka û welatên din ên hevbend" re bixebite.

Shi Yin, berdevkê PLA got, lîstikên şer ên Çînê dê balafir, keştî û karmendan bişîne "herêmên deryayî û qada hewayî ya Tengava Taywanê, li beravên bakur û başûrê giravê, û ber bi rojhilatê giravê".

Raporekê ji weşana dewletê CCTV got: "Hêza kar dê di heman demê de nobedarî û pêşkeftinên li dora girava Taywanê organîze bike, ku dorpêçek temam û cihekî bergiriyê çêbike."

Wezareta Berevaniyê ya Taywanê vîdyoyek belav kir ku tê de nîşan dide leşker mûşekavêjên dijî balafiran bar dikin, firokeyên şer radibin, û rahênanên din ên amadebûna leşkerî dibin.

Vîdyoya 75 çirkeyan ku jêrnivîsa îngilîzî tê de hebû bi sernivîsa "Em ne li girjiyan û ne jî pevçûnê digerin, lê em domdar, li ser xwe û ciddî dimînin da berevaniyê nîşan bidin û xak û serweriya xwe biparêzin."

Çavkanî: AFP

XS
SM
MD
LG