Lînkên eksesibilîtî

Breaking News

Generalê Amerîkî: Ne Tenê li Gutaya Rojhilat, li Efrînê jî Pêwistî bi Alîkarîya Mirovî Heye


Efrîn

Yek ji karbidestên payabilind yên Wezîrê Berevanî yê Amerîka General Andrew Croft dîyar kir ku ne tenê li Gutaya Rojhilat, lê li Efrînê jî sîvîl li benda alîkarîya mirovî ne.

Croft da zanîn ku di çend rojên dawî de 183,500 kes ji Efrînê koç kirine, piranîya wan li Tilrifatê bi cîh bûne û yên mayî jî çûne nbul, Zehra, Minbic û Hesekê.

‘’Rewşa van herêman jixwe ne baş e û bi çûyîna hin koçberên din kêşeya heyî mezintir dibe’’ Croft got.

Generalê Amerîkî da zanîn ku hin sazîyên navneteweyî di 25’ê Adarê de bo 50,000 kesên li Tilrifatê alîkarî şandine û hewildanên alîkarîyên din jî didomin.

Croft dîyar kir ku di navbera 50,000 û 70,000 de sîvîl li Efrînê mane û ew nikarin ji wê herêmê derkevin.

Croft da zanîn ku divê alîkarîya mirovî demûdest bigihêje sîvîlên Efrînê û got ku heta niha çar kes jiber nebûna xwarinê jîyana xwe ji dest dane.

Nêrîna Te

Şîroveyan nîşan bide

XS
SM
MD
LG