Çavkaniyên Îraqî: 31 Kes di Êrîşên DAIŞ’ê de li Tikrît Tên Kuştin

Çavkaniyên ewlekarî yên Îraqê roja Çarşemê dan xûyakirin ku, di êrîşên Dewleta Îslamê (DAIŞ)ê de, li bajarê Tikrît bi kêmanî 31 kes hatine kuştin û zêdetirî 40 kesan birîndar bûn e, di nava kuştiyan de 14 polîs hene.

Efserê Polîsan Xalid Mahmûd gote ajansa Reuters, çekdarên DAIŞ´ê cilên polîsan bi kar anîne û bi otombîleke polîsan hatine nava bajarê Tirkirî yê ku 175 kîlometran dikeve bakûrê paytext Bexda, hejmara çekdaran 10 kes bûn di nav de 2 xwekûj hebûn.

DAIŞ’ê di daxûyaniyekê de ev çalakî girt ser xwe û datayên bûyerê di ajans Aamaq de dan weşandin û ragihand ku, çekdarên wan serê sibê êrîşî bajarê Tikrît kirine, êrîş li dij xala pişkinînê û mala berpirsê navenda polîsên bajar pêk hatiye.

di encam de, berpirsê navenda polîsên dije terror û 4 kes ji endamên malbata wî hatine kuştin.

Çavkaniyên polîsê Tikrît da zanîn ku, di êrîşê de, 2 xwekûjan li hember polîsan xwe teqand, hejmarek ji polîsan bûne qurban.

Herweha Nawfel Mustefa pizîşkê nexoşxana Tikrît got, hejmara kuştiyan zêdtir bû, piştî laşên hind xwediyên dukanan hatine dîtin.