Parêzgarê Duhokê Ferhad Emîn Etroşî îro Pêncşemê ragihand ku kesekî 50 salî ku ji Almanya hatiye, tûşî vîrusa korona bûye.
Etroşî da zanîn ku tûşbîyê korona di rêya derîyê Îbrahîm Xelîl re bi alîkarîya kesekî hatiye Duhokê û xwe karantîna nekiriye.
“Ev haleta yekê ye ku li parêzgeha Duhokê tê tomar kirin û egera wê yekê nepêgîrîya bi rênmayên saxlemîyê ye,” Etroşî got.
Wî dîyar kir ku pêrabûnên qanûnî digel wî kesê dê werin kirin ku tûşbûyê korona derbazî parêzgehê kiriye.
