Lînkên eksesibilîtî

Breaking News

Berpirsekî Afganistanê Dibêje Talîbanê 15 Endamên Ewlekariyê Kuştin


Parêzgeha Farah

Berpirsekî Afganistanê dibêje bi kêmanî 15 endamên ewlekariyê hatin kuştin di êrîşeka tevgera Talîbanê de li parêzgeha Farah a rojavayê welêt.

Serokê civata parêzgehê Ferîd Bextewar îro Şemiyê got 7 endamên hêza komandos û 8 endamên polîs hatin kuştin li navçeya Bala Buluk.

Bextewar got 3 endamên hêza ewlekariyê hîn winda ne û bêhtirî 30 çekdarên êrîşker di pevçûnê de hatin kuştin.

Peyvdarê wezareta berevaniyê General Dewlet Wezîrî, êrîş piştrast kir, lê got tenê 4 serbaz hatine kuştin û du birîndar in.

Peyvdarê Talîbanê Zebîhullah Mujahid berpirsiyariya tevgerê li dor êrîşê ragihand.

Di van mehên dawî de parêzgeha Farah rastî zêdebûna êrîşan tê ji aliyê çekdaran ve. Hêzên ewlekariyê û berpirsên xwecihî daxwaza şandina hêzên bêhtir dikin bo parêzgehê.

XS
SM
MD
LG