Wezareta Saxlemî ya Gaza ragihand ku di êrîşên Îsraîlê yên ji 7’ê Cotmehê vir ve 14,854 kes hatine kuştin ku 6150 ji wan zarok û 4000 jî jin in.
Wezaretê berî vê daxuyanîyê dîyar kiribû ku jiber pevçûnên giran û dijwarîyên ser dîtina terman ewê êdî hejmara kuştîyan ranegihîne.
Ji alîyê din ve baskê leşkerî yê Hamasê piştrast kir ku ewê agirbesta bi Îsraîlê re roja Înê bi demjimêra herêmî di saet 7:00 de destpê bike.
Agirbest dê jibo çar 4 rojan bidome û li gor lihevkirinê dê girtîyên Filîstînî û hin dîlên di destê Hamasê de werin berdan.
Ofîsa serokwezîrîya Îsraîlê piştrast kir ku lîsta pêşî ya dîlên ku werin berdan gihiştiye destê wan û ew bi nasên wan dîlan re di dava peywendî de ne.